Ministri në detyrë i Shëndetësisë, Arben Vitia ka njoftuar kufizimet e reja të lëvizjes në komunën e Malishevës, komunën veriore të Mitrovicës dhe komunën e Zveçanit.

Vitia thotë se ky vendim u mor në koordinim paraprak me Komunat, për të frenuar përhapjen më tej të COVID-19 e që do të fillojë të zbatohet nga nesër.

Postimi i plotë:

Sipas situatës epidemiologjike dhe rekomandimeve të Ministrisë së Shëndetësisë, në koordinim paraprak me Komunat, për të frenuar përhapjen më tej të COVID-19, nga nesër, 10 prill 2020, në komunat tashmë në karantinë, orari për lëvizjet brenda komunës, për nevojat bazike të qytetarëve do të jetë si në vijim:

Komuna e Malishevës 14:00-06:00 (ndalim qarkullimi)
Komuna veriore e Mitrovicës 12:00-06:00 (ndalim qarkullimi)
Komuna e Zveçanit 12:00 -06:00 (ndalim qarkullimi)

Gjithashtu, në ditët në vijim, varësisht nga situata epidemiologjike në komunat e tjera dhe në koordinim me to, do të vendosen masa shtesë në mënyrë që të parandalojmë shpërndarjen e COVID-19.

I lusim qytetarët të zbatojnë dhe bashkëpunojnë me komunat e tyre, autoritetet e sigurisë, institucionet e tjera qendrore dhe të respektojnë masat që po merren në mbrojtje të jetës së tyre.

Jemi bashkë, do të jemi fitues nëse me vendosmëri do t’i respektojmë rregullat!./arbresh.info